Pia Logo
სამხედრო

ანა შიმშილაშვილი ეკატერინე ტიკარაძეზე: რომელმა წინამდებარე მინისტრმა გადაიტანა ასე მოკლე დროში ამდენი რამ ქვეყანაში

ემიგრანტი ჯანდაცვის მინისტრის შესახებ
10:22 08.03

ისრაელში მცხოვრები ქართველი ექიმი ანა შიმშილაშვილი ჯანდაცვის მინისტრის ეკატერინე ტიკარაძისა და დაავადებათა კონტროლის ცენტრის დირექტორის ამირან გამყრელიძის მიმართ გამოთქმულ უარყოფით შეფასებებს სოციალურ ქსელში ეხმაურება.

#არგრცხვენიათ? აი, ის ხალხი, ვინც აკრიტიკებს ტიკარაძეს და ნიშნისმოგებით საუბრობს გამყრელიძეზე! მაჩვენეთ ქვეყანა, რომელმაც იცოდა ან იცის რა გააკეთოს უკეთესად! მაჩვენეთ ქვეყანა – რომელმაც გააკეთა უკეთესად! ჯერ იყო და დასცინოდნენ, რა ტრანსპორტს რეცხავს და რა პირბადეო, რა სიცხეებს ზომავსო - ეს ხდებოდა მაშინ, როცა არც ერთი სხვა სახელმწიფო ამას არ აკეთებდა და ამიტომ გავრცელდა სხვაგან ძალიან! არა და ეს რომ არ ექნა - შტურმით აიღებდნენ სამინისტროს და ჯვარზე გააკრავდნენ. ახლა რატომ მეტი არ გააკეთაო! დედააა, გამყრელიძე რა საყვარელიაო! ახლა, ახია მაგაზეო! კაცი კიდევ გამოდის და გიღიმით, კითხვებზე გპასუხობთ! ხალხოოო? ხომ არ გაჟრიალებთ? თუ გაჟრიალებთ და წადით სიცხე გაიზომეთ და ტესტი გაიკეთეთ!

ყოჩაღ ტიკარაძე! რომელმა წინამდებარე მინისტრმა გადაიტანა ასე მოკლე დროში ამდენი რამ ქვეყანაში, სამი დღის დანიშნული იყო თვალების თხრის აქცია რომ ჩაიბარა და ავადმყოფები! ყველაფერს გაუძღვა! ახლა ეს ეპიდემია! ძირგამოღრღნილი ბიუჯეტით და კორუმპირებული სისტემით ჩაიბარა  სამინისტრო! შეებრძოლა და ებრძვის კორუპციას! ჟურნალისტებს გაურბისო! მინისტრი გინდათ თუ კამერებთან მოტრიალე და მოკეკლუცე ქალი.

ისრაელის ჯანდაცვის მინისტრი ახლა ვნახე მგონი პირველად ეკრანებთან. თუ თავად გაწვეს საზღვარზე? ზოია კოსმოდემიანსკაიაა, ტანკს გადაეფაროს? და ჩვენ? ჩვენ რას ვაკეთებთ? ვიცინით! ვქირქილებთ! ვჭორაობთ! იტალიაში დავფრინავთ! ვბრუნდებით და “გვკიდია” საკუთარი და სხვისი ჯანმრთელობა!

„პრიჩოსკაზე“ დავცინით ტიკარაძეს! ვისი რა საქმეა როგორ დაივარცხნის ეგ გოგო თმას! დავარცხნილი რომ გამოდის, არ გიკვირთ ჩვენს ხელში?? ამ გამყრელიძეზე რასაც ვკითხულობ ხომ საერთოდ, ბოროტებაა! კაცს ერთი შვილი დაღუპული ჰყავს, მეორეს ვირუსი შეეყარა! #არგრცხვენიათ? მე მრცხვენია! კორონა წავა, ეშველება, მაგრამ აი, ამ ტანში და ტვინში ჟრიალს რა ეშველება, რა? სადაა ჩვენი თვითშეგნება და თვითპასუხისმგებლობა?

სადაა ჩვენი კულტურა?

პ.ს. და გამოხედვაც არ უვარგაო ტიკარაძესო… გადამრევს ეს ხალხი, რა დროს გამოხედვაა! ჯანდაცვას რომ ეტაკეთ, (ეს ზოგადად), ჯანდაცვამდე განათლების სისტემაა, პირდაპირ ექიმად ვერავინ იბადება, ოჯახს და სკოლას გადის ჯერ ! და რას ვაძლევთ ოჯახში შვილს? სკოლაში ბავშვს?

ტიკარაძის მსგავსად არავინ გაულანძღავთ! (ჩვენი წინაპრები ანატირში (შატილი) აკლდამებში შედიოდნენ, თავად ცილდებოდნენ ავადმყოფები ჯანმრთელებს, თავს იმარხავდნენ!!!! ჩცენ “პერო იტალიანო”-თი დავფრინავთ და გვიხარია, ამ ჯადოსნური პეროთი კი ვავრცელებთ ავადმყოფობას… ფუუუუ!)- და ტიჯარაძეა ცუდი და ახია გამყრელიძეზე? ხო, მართლა, პირბადეები არ იშოვებაო, აქ კაკუნს, იყიდეთ სველი სალფეთქები, ამოალაგეთ სათითაოდ და გამოჭერით პირბადეებად! შესანიშნავი პირბადე კეთდება.

და ბოლოს: მადლობა სამედიცინო პერსონალს, მესაზღვრეებს, სასწრაფო დახმარების მუშაკებს, პოლიციას, მაშინ როცა ჩვენ აქ ვქირქილებთ, ისინი ვირუსთან პირდაპირ შეხებაში არიან და ჩვენი უპასუხისმგებლობით გამოწვეულ დაავადებებს ებრძვიან საკუთარი ჯანმრთელობის ხარჯზე!”, - წერს ანა შიმშილაშვილი.

ბოჭორიშვილის კლინიკა

მაკა სოლოღაშვილი: კორონავირუსის 2 ახალი...

საქართველოში კორონავირუსის 14 ახალი დადასტურებული შემთხვევიდან, 2 პაციენტი ბოჭორ...
10:42
„იმ განაცხადებს შორის, სადაც დაფიქსირებულია საქმიანობის გაგრძელების სურვილი, ბიზნესის თითქმის ყველა...
14:34
საქართველოს ტექნიკური უნივერსიტეტი სტუდენტებს Zoom-ის სალექციო ოთახში შესვლისა და ლექციაზე დასწრების...
14:26
 „Covid 19-ის წინააღმდეგ ონლაინ ჰაკათონის გამარჯვებული გუნდი ცნობილია. 20 000 ლარი პროექტის განხორც...
13:48
„დღეს ძნელია ისეთი ადამიანის პოვნა, რომელიც არ აქებს ლუგარის ლაბორატორიას და საქართველოში COVID-19-თ...
13:15
გამოცემა emerging-europe საქართველოს წარმატბაზე წერს კორონავირუსთან ბრძოლაში emerging-europe საქართველოზე: მთავრობები მსოფ...
„ვირუსის შეკავების მხრივ, საქართველო იმდენად წარმატებული აღმოჩნდა, რომ მთავრობები მსოფლიოს სხვადასხვ...
00:39
წერეთლის გამზირს დეზინფექცია ჩაუტარდა
კორონავირუსის გავრცელების პრევენციის მიზნით, თბილისის ქუჩების დეზინფექციას შპს „...
23:56 05.04
გერმანიაში COVID 19-ით ინფიცირების დადას...
შეერთებული შტატების, იტალიისა და ესპანეთის შემდეგ გერმანია გახდა მეოთხე სახელმწი...
23:15 05.04
თურქეთში ბოლო 24 საათში კორონავირუსით ინ...
თურქეთში კორონავირუსის პანდემია დაჩქარებული წესით ვრცელდება. ბოლო 24 საათში ინფი...