ქარელში, საცხოვრებელ სახლში ორი ახალგაზრდა კაცი გარდაცვლილი, ხოლო ერთი უგონო მდგომარეობაში იპოვეს.
შემთხვევის მიზეზი, სავარაუდოდ, ბუნებრივი აირი გახდა.
როგორც საინფორმაციო სააგენტო PIA.GE-ს შინაგან საქმეთა სამინისტროში განუცხადეს, ფაქტზე გამოძიება 116-ე მუხლის მე-2 ნაწილით დაიწყო, რაც გაუფრთხილებლობით ორი ან მეტი პირის სიცოცხლის მოსპობას გულისხმობს.
დანაშაული ისჯება თავისუფლების აღკვეთით ვადით სამიდან ხუთ წლამდე.