ბათუმში ძლიერმა წვიმამ პრობლემები შექმნა
1601588698
ბათუმში ძლიერმა წვიმამ პრობლემები შექმნა. ინფორმაციას ბათუმის მერია ავრცელებს.
ერთდროულად მოსულმა უხვმა ნალექმა მდინარეებისა და ზღვაში გამსვლელი სანიაღვრე არხების ადიდება გამოიწვია.
დაიტბორა მიმდებარე ტერიტორიები, ქუჩები, ეზოები და საკარმიდამო ნაკვეთები. კალაპოტიდან გადმოვიდა მდინარე ფერიაც.
მდინარე მეჯინისწყალში ხიდიდან ავტომანქანა გადავარდა. შემთხვევის ადგილზე სამაშველო ღონისძიებები მიმდინარეობს.
მობილიზებულია მერიის შესაბამისი სამსახურები და სპეცტექნიკა. მიმდინარეობს სალიკვიდაციო სამუშაოები. - წერია ბათუმის მერიის განცხადებაში.
