„Covid 19-ის წინააღმდეგ ონლაინ ჰაკათონის გამარჯვებული გუნდი ცნობილია.
20 000 ლარი პროექტის განხორციელებისთვის, გრანტის სახით, Edison Tech-ს გადაეცა“, - ამის შესახებ ინფორმაციას ინოვაციებისა და ტექნოლოგიების სააგენტო ავრცელებს.
როგორც განცხადებაშია აღნიშნული, პროექტის მიზანია, შეიქმნას პორტატული სასუნთქი აპარატი, რომლის გამოყენება შესაძლებელი იქნება როგორც კრიტიკულ სიტუაციაში, ისე სახლის პირობებში. თანამედროვე ტექნოლოგიების გამოყენებით აპარატი გამოყენებადია ყველა ასაკის ადამიანისთვის. შესაბამისად, Edison Tech-ის დახმარებით საქართველოს ექნება დამატებითი შესაძლებლობა, გაუმკლავდეს მსოფლიო გამოწვევას და საჭიროების შემთხვევაში სასუნთქი აპარატების კრიზისი აღმოფხვრას ქვეყანაში..
„გამარჯვებული გუნდის გარდა, ონლაინ ჰაკათონის კიდევ ორ გუნდს საკუთარი იდეის განხორციელებისთვის სახელმწიფო მხარდაჭერას უცხადებს. ეს გუნდებია:
ინფორმაციაში საუბარია ეკონომიკისა და მდგრადი განვითარების სამინისტროს მზაობაზე, ქვეყანაში შექმნილიყო ისეთი პროდუქტები ან მომსახურება, რომლებიც ეფექტურად დაეხმარებოდა საქართველოს კორონავირუსით გამოწვეულ პრობლემებთან ბრძოლაში“, - აღნიშნულია ინფორმაციაში.
„ონლაინ ჰაკათონი, რომელიც GITA-მ და სარეკლამო კომპანია „ რედბერმა“ წარმოადგინა, ეკონომიკისა და მდგრადი განვითარების მინისტრმა ნათია თურნავამ 2020 წლის 24 მარტს გახსნა. ჰაკათონის მიზანი იყო, მსოფლიო გამოწვევების საპასუხოდ შექმნილიყო ისეთი პროდუქტები ან მომსახურება, რომლებიც ეფექტურად დაეხმარებოდა ჩვენს ქვეყანას კორონავირუსით გამოწვეულ პრობლემებთან ბრძოლაში. შემოსული 350-მდე აპლიკაციიდან სამდღიან მარათონში, სულ, 28 გუნდი და 5 ფიზიკური პირი მონაწილეობდა, 72 საათის განმავლობაში მენტორების დახმარებით ისინი მუშაობდნენ ისეთ გამოწვევებზე, როგორებიცაა: მედიცინა, საცალო ვაჭრობა, სურსათით მომარაგება, დისტანციური განათლება, დაავადების გავრცელება/მონიტორინგი და სხვა. მუშაობის პროცესში ონლაინ ჰაკათონის მონაწილეები ინდივიდუალურ კონსულტაციებს გადიოდნენ სპეციალურად პროექტისთვის მოწვეულ მენტორებთან.
ჰაკათონის მენტორები: