ჯენ ფსაკი თეთრი სახლის პრესმდივანი გახდება
1606725298
ჯენ ფსაკი ჯო ბაიდენის ადმინისტრაციაში თეთრი სახლის პრესმდივანი გახდება. ფსაკი მანამდე სახელმწიფო დეპარტამენტის პრესსამსახურის ხელმძღვანელად მუშაობდა. ამის შესახებ usatoday.com იუწყება.
„პირდაპირი და გულახდილი ურთიერთობა ამერიკელ ხალხთან პრეზიდენტის ერთ-ერთი უმთავრესი მოვალეობაა. ამ გუნდს თეთრ სახლსა და ამერიკელ ხალხს შორის ურთიერთობის საპასუხისმგებლო ამოცანა ექნება. მინდა გითხრათ, რომ საზოგადოებრივი ურთიერთობების ჩემი სამსახური, ძირითადად ქალებით იქნება დაკომპლექტებული“ - წერს ბაიდენი ოფიციალურ საიტზე.
თავის მხრივ, ფსაკიმ „ტვიტერში“ დაწერა, რომ ბაიდენთან მუშაობა მისთვის დიდი პატივია. ფსაკი ბარაქ ობამას ადმინისტრაციაში მუშაობდა, როდესაც ბაიდენი ვიცე-პრეზიდენტი იყო.
აშშ-ში საპრეზიდენტო არჩევნები 3 ნოემბერს ჩატარდა. წინასწარი ინფორმაციით, არჩევნებში „დემოკრატიული პარტიის“ კანდიდატმა ჯო ბაიდენმა გაიმარჯვა. ამომრჩეველთა კოლეგიის სხდომა, რომელზეც ბაიდენის გამარჯვებას ოფიციალურად დაადასტურებენ, 14 დეკემბერს გაიმართება.
