კორონავირუსით ინფიცირებული პაციენტების დასახმარებლად, თურქეთმა ესპანეთს სასუნთქი აპარატები გადასცა. ინფორმაციას თურქეთის საელჩო ავრცელებს.
"ჩვენ ყოველთვის მეგობარი ესპანეთის გვერდით ვართ და ამ რთულ პერიოდს ერთად გადავლახავთ", - წერს "ტვიტერში" თურქეთის საგარეო საქმეთა მინისტრი მევლუთ ჩავუშოღლუ.
კორონავირუსის გავრცელების რაოდენობის მიხედვით მსოფლიოში ესპანეთი მეორე ადგილზეა. ბოლო მონაცემებით, ესპანეთში კორონავირუსის 131,646 დადასტურებული შემთხვევაა.