1716104890

„ამ გადაწყვეტილებით დაადასტურა, რომ ის ემსახურება რადიკალიზმს“, - განაცხადა პრეზიდენტის ვეტოს შეფასებისას „ხალხის ძალის“ აღმასრულებელმა მდივანმა, დეპუტატმა გურამ მაჭარაშვილმა.„დიალოგის მომხრე არ არის, გამჭვირვალობის მომხრე არ არის, უცხოელ პარტნიორებთან ურთიერთობების მომხრე არ არის, ვენეციის კომისიის დასკვნის მომხრე არ არის ა ამ დროს ჩვენ გვეუბნებიან, რომ თურმე, ხელისუფლება დიალოგზე არ მოდის. ამ გადაწყვეტილებით ეს რამდენიმე ფაქტორი დაადასტურა ზურაბიშვილმა“, - აღნიშნა მაჭარაშვილმა.პრეზიდენტმა სალომე ზურაბიშვილმა „უცხოური გავლენის გამჭვირვალობის შესახებ“ კანონს ვეტო დაადო. 

1716102373

სენაკის მუნიციპალიტეტში, გორის ქუჩაზე, მკვლელობა მოხდა. გავრცელებული ინფორმაციით, მოკლულია ერთი ახალგაზრდა კაცი და დაჭრილია 2 პირი. შემთხვევა გვიან ღამით მოხდა. ახალი ამბების სააგენტო Newshub.ge დამატებით დეტალებს შინაგან საქმეთა სამინისტროში არკვევს. ამ ეტაპზე უცნობია მომხდარის მოტივი. 

1716101619

გარემოს ეროვნული სააგენტო უახლოეს დღეებში მოსალოდნელი ამინდის შესახებ ინფორმაციას ავრცელებს. 21 მაისამდე საქართველოში შენარჩუნებული იქნება შედარებით გრილი და ზოგან ნალექიანი ამინდი. დასავლეთ საქართველოს დაბლობ რაიონებში 19-20 მაისს ზოგან იწვიმებს. ჰაერის ტემპერატურა დღისით +23, +25 გრადუსი იქნება.დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო): ზოგან გაწვიმდება. ჰაერის ტემპერატურა დღისით +17, +19 გრადუსი იქნება.დასავლეთ საქართველოს მაღალმთიან რეგიონებში (მესტია, ბახმარო): ზოგან ნალექიანი ამინდია მოსალოდნელი. ჰაერის ტემპერატურა დღისით +13, +15 გრადუსი დაფიქსირდება. ქართლში (რუსთავი, ბოლნისი, მარნეული, გარდაბანი, გორი, ცხინვალი): ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +19, +21 გრადუსი დაფიქსირდება. კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): ზოგან ხანმოკლე წვიმა და ელჭექია მოსალოდნელი, შესაძლოა სეტყვაც აღინიშნოს. ჰაერის ტემპერატურა დღისით +20, +22 გრადუსი დაფიქსირდება. აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური, დედოფლისწყარო): ზოგან ხანმოკლე წვიმა და ელჭექია მოსალოდნელი, შესაძლოა სეტყვაც აღინიშნოს. ჰაერის ტემპერატურა დღისით +16, +18 გრადუსი დაფიქსირდება. აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო): დედოფლისწყარო): ზოგან ნალექიანი ამინდია მოსალოდნელი. ჰაერის ტემპერატურა დღისით +11, +13 გრადუსი დაფიქსირდება.

1716099965

ურსულა ფონ დერ ლაიენი, რომელიც ევროკომისიის პრეზიდენტად მეორე ვადით გამარჯვებას ცდილობს, უცხოურ ჩარევებს საარჩევნო კამპანიის მთავარ, საკვანძო საკითხად აქცევს, - ამის შესახებ გამოცემა Politico წერს.კომისიის პრეზიდენტი ამბობს, რომ ევროპა რუსეთის მსგავსი მტრებისთვის საკმარისად მზად არ არის.ევროპულ არჩევნებამდე ერთი თვით ადრე, ფონ დერ ლაიენმა დანიაში გამართულ წინასაარჩევნო სიტყვით გამოსვლისას განაცხადა, რომ ევროპული დემოკრატიის დასაცავად, საჭიროა უფრო ქმედითი ნაბიჯები უცხოური ჩარევების წინააღმდეგ. ოთხშაბათს კი, მან ევროკომისრებს მიმართა და გააფრთხილა, რომ მოსალოდნელია დეზინფორმაციული და ჰაკერული შემოტევები.„გვინდა თუ არა ძლიერი ევროპა, რომელიც იბრძვის ჩვენი ღირებულებებისა და დემოკრატიისთვის? ან, მეორე მხრივ, ვაძლევთ თუ არა ჩვენი დემოკრატიების მიტაცების უფლებას ავტორიტარებსა და მარიონეტებს?“, - აღნიშნა ევროკომისიის პრეზიდენტმა კოპენჰაგენში სიტყვით გამოსვლისას.ფონ დერ ლაიენმა პირობა დადო, რომ მეორე ვადით არჩევის შემთხვევაში ის შექმნის „ევროპული დემოკრატიის ფარს“, რათა უცხოურ ჩარევებს შეებრძოლოს. მან ასევე აღნიშნა, რომ მსგავსი საფრთხეებისთვის ევროპა საკმარისად დაცული და ორგანიზებული არ არის. ევროკომისიის პრეზიდენტის განცხადებით, კიბერშეტევების შემთხვევები გაიზარდა, მათ შორის საკუთარ საარჩევნო ვებ-საიტებზეც.„ხელოვნური ინტელექტი AI ახლა საშუალებას იძლევა შექმნას წარმოუდგენლად რეალისტური „ფეიქი“ - რომელსაც შეუძლია დესტაბილიზაციის გამომწვევი როლი ჰქონდეს საარჩევნო კამპანიაში“, - აღნიშნა მან.გეგმა, რომელიც ფონ დერ ლაიენმა, მეორე ვადით არჩევის შემთხვევაში წამოაყენა, მოიცავს დეზინფორმაციის ევროპული განყოფილების შექმნას.ევროკავშირის ქვეყნები ასევე ემზადებიან ერთობლივი რეაგირების ჯგუფების შესაქმნელად, რომლებიც ფოკუსირდებიან ჰიბრიდულ საფრთხეებზე, მათ შორის დივერსიასა და ინფორმაციით მანიპულირებაზე.

1716099214

გერმანიის თავდაცვის სამინისტრომ ფედერალურ მთავრობას დამატებითი 3,8 მილიარდი ევროს დახმარების გამოყოფა სთხოვა. Bild-ის ცნობით, მიმდინარე წელს ბერლინმა კიევს 7,1 მილიარდი ევროს სამხედრო დახმარება გაუწია.თანხები გამოიყენებოდა სამხედრო აღჭურვილობის თანხების გადასახდელად, რომელსაც უშუალოდ უკრაინა ყიდულობდა. გარდა ამისა, თანხა გამოიყენება იარაღის ხელახალი შეკვეთის დასაფინანსებლად.„უკრაინას ახლა სასწრაფოდ სჭირდება მზარდი მხარდაჭერა საოკუპაციო ძალებისგან ეფექტური თავდაცვისთვის“,- წერს გამოცემა.  გამოცემის ცნობით, გერმანიის თავდაცვის სამინისტროს ხელმძღვანელმა ბორის პისტორიუსმა აღნიშნული საკითხის განხილვის თხოვნით გერმანიის კანცლერ ოლაფ შოლცს მიმართა. გარდა ამისა, გამოცემის წყაროებმა განაცხადეს, რომ 2025 წლისთვის, გერმანიის თავდაცვის სამინისტრო უკრაინისთვის რეკორდული თანხების გამოყოფას აპირებს. შეგახსენებთ, სამხედრო წარმოების სფეროში უკრაინა და გერმანია გეგმავენ რამდენიმე ერთობლივი პროექტის დაწყებას.ცოტა ხნის წინ ცნობილი გახდა, რომ გერმანია ამერიკის შეერთებული შტატებიდან სამ HIMARS სისტემას შეიძენს და უკრაინას გადასცემს.

1716098340

ბოლო 24 საათის განმავლობაში ოკუპანტებმა უკრაინის წინააღმდეგ ომში დაკარგეს 1210 ჯარისკაცი, 16 ტანკი და 48 საარტილერიო სისტემა. განახლებულ მონაცემებს უკრაინის გენერალური შტაბი ავრცელებს. რუსეთის ფედერაციის ჯამური საბრძოლო დანაკარგები 2022 წლის 24 თებერვლიდან 2024 წლის 19 მაისამდე 👇 ჯარისკაცი - დაახლოებით 492,290  ტანკები - 7576  ჯავშანტექნიკა - 14630  საარტილერიო სისტემები - 12687  MLRS ‒ 1074  საჰაერო თავდაცვის სისტემები - 803 თვითმფრინავი - 354  ვერტმფრენები - 326  ოპერატიულ-ტაქტიკური დონის უპილოტო საფრენი აპარატი - 10155  საკრუიზო რაკეტები - 2204 გემები/ნავები - 26  წყალქვეშა ნავები - 1  საავტომობილო ტექნიკა და სატვირთო მანქანები - 17251 სპეცტექნიკა - 2077

1716065522

ისრაელის ომის კაბინეტის წევრმა, ქვეყნის ყოფილმა თავდაცვის მინისტრმა ბენი განცმა პრემიერ-მინისტრ ბენიამინ ნეთანიაჰუს მოუწოდა, 8 ივნისამდე შეჯერდეს გეგმაზე, რომელიც ღაზის სექტორის, მძევლების დაბრუნებისა და არაბულ ქვეყნებთან ურთიერთობის ნორმალიზების საკითხებს გადაჭრის.წინააღმდეგ შემთხვევაში, ბენი განცი მთავრობის დატოვებას აპირებს თავის პარტიასთან ერთად.„იმის მიუხედავად, რომ ისრაელელი ჯარისკაცები ფრონტზე წარმოუდგენელ სიმამაცეს ავლენენ, ზოგიერთი ადამიანი, ვინც ისინი საბრძოლველად გაგზავნა, თავის მოქმედებებში ავლენს სიმხდალეს და უპასუხისმგებლობას. ზოგი პოლიტიკოსი მხოლოდ საკუთარ თავზე ფიქრობს. ომის მოგება მხოლოდ მკაფიო და რეალისტური სტრატეგიული კომპასის საშუალებით არის შესაძლებელი. ცვლილებებია საჭირო აქ და ახლა“, – აცხადებს განცი.

1716061866

ისრაელის არმია ღაზას სექტორის ჩრდილოეთ ნაწილში ახალ ტერიტორიებზე შევიდა. როგორც Reuters იუწყება, ოპერაციის შედეგად, სამხედროებმა ოთხი მძევლის ცხედარს მიაგნეს.ამასთან, გამოცემის ცნობით, ისრაელის ძალებმა ეგვიპტის მოსაზღვრე ქალაქ რაფაში გარკვეული ტერიტორიები დაიკავეს.აღნიშნულთან დაკავშირებით „ჰამასს“ კომენტარი ჯერჯერობით არ გაუკეთებია.შეგახსენებთ, გასული წლის 7 ოქტომბერს „ჰამასის“ წევრები ისრაელის ტერიტორიაზე შეიჭრნენ და 250 ადამიანი მძევლად აიყვანეს, 1400-ზე მეტი მეტი ადამიანი კი ადგილზე დახოცეს.

1716056160

სააკაშვილის კონსილიუმის წევრმა, ექიმმა გიორგი გრიგოლიამ „გამჭვირვალობის კანონთან“ დაკავშირებით ისაუბრა და აღნიშნა, რომ ექიმების 80% მხარს არ უჭერს მთავრობის გადაწყვეტილებას. მისივე თქმით, რაც არ უნდა თქვან, რომ საქართველო უნდა იყოს დამოუკიდებელი, მისი წონით და ზომით და მოსახლეობიდან გამომდინარე ეს შეუძლებელია, რადგან მასზე უფრო მდგრადად მყოფი ქვეყნებიც კი არ არიან დამოუკიდებლები და ქმნიან ალიანსებს.„ექიმები ერთ-ერთი ყველაზე განათლებული ფენა არის ჩვენ ქვეყანაში და რა თქმა უნდა, მე დარწმუნებული ვარ, რომ ექიმების ალბათ 80% მხარს არ უჭერს მთავრობის ამ გადაწყვეტილებას, იმიტომ, რომ რაც არ უნდა გვითხრან და რაც არ უნდა მოგვიყვნენ, რომ ჩვენ უნდა ვიყოთ დამოუკიდებლები, არავის ბრძანებებს არ უნდა ვასრულებდეთ, ჩვენ თვითონ უნდა ვწყვეტდეთ ყველაფერს, ჩვენი წონით და ზომით და ჩვენი მოსახლეობიდან გამომდინარე, დღეს ჩვენ კი არა არცერთი ჩვენზე უფრო მდგრადად მყოფი ქვეყანა არ არის დამოუკიდებელი, იმიტომ იქმნება ევროსაბჭოები და იმიტომ იქმნება ალიანსები. ამიტომ ჩვენმა ქვეყანამ უნდა აირჩიოს სწორი გზა“, - განაცხადა გიორგი გრიგოლიამ.

1716054277

„სპეცოპერაცია „არა რუსულკანონს", საპროტესტო აქციის ერთ-ერთი ორგანიზატორის, ნატა ფერაძის ქვეყნის სასწრაფოდ დატოვებით და ნაცების მესამე პრეზიდენტის, სალომე ზურაბიშვილის მიერ "გამჭვირვალობის კანონზე" ვეტოს დაჩქარებული წესით დადებით (დავადევიო) - დასრულებულად არის გამოცხადებული“, - წერს „ხალხის ძალის“ წევრი დავით ქართველიშვილი სოციალურ ქსელში. ქართველიშვილის თქმით, ის, რომ ზურაბიშვილმა ყურად არ იღო საკუთარი პატრონების ფარისევლური წუხილი ერთის მხრივ იმით იყო განპირობებული, რომ მსოფლიოში ვერ მოიძებნა ვერც ერთი იურისტი, რომელიც ამ უმარტივეს 6-გვერდიან კანონს სამართლებრივ წუნს მოუძებნიდა. „სპეცოპერაცია „არარუსულკანონს", საპროტესტო აქციის ერთ-ერთი ორგანიზატორის, ნატა ფერაძის ქვეყნის სასწრაფოდ დატოვებით და ნაცების მესამე პრეზიდენტის, სალომე ზურაბიშვილის მიერ "გამჭვირვალობის კანონზე" ვეტოს დაჩქარებული წესით დადებით (დავადევიო) - დასრულებულად არის გამოცხადებული. ის, რომ ზურაბიშვილმა ყურად არ იღო საკუთარი პატრონების ფარისევლური წუხილი (იქნებ ვეტოში მაინც აისახოს კონსტრუქციული შენიშვნები), ერთის მხრივ იმით იყო განპირობებული, რომ მსოფლიოში ვერ მოიძებნა ვერც ერთი იურისტი, რომელიც ამ უმარტივეს 6-გვერდიან კანონს სამართლებრივ წუნს მოუძებნიდა. მეორეს მხრივ, ზურაბიშვილის პატრონებმა უპრიმიტიულესი კომბინაცია გაითამაშეს: „აბა, რანაირი ჩვენი აგენტია, როდესაც ჩვენს შთაგონებებს "იკიდებს" - ხომ ხედავთ, რანაირი დამოუკიდებელი, ჯიუტი და თვითმყოფადი პოლიტიკური ლიდერი გაგიზრდიათ მასთან უსამართლო ბრძოლაში". ყველაფერი გასაგებია - "ჩაგეთვალათ". ჩვენ კი მხოლოდ მივესალმებით ქართველი კანონმდებლების საქმიანობის ესოდენ მაღალ და წარმომადგენლობით შეფასებას - ეს ხომ რეალურად მაღალი "პილოტაჟია", შექმნა კანონი, რომელიც ერთდროულად: ა) ქვეყნის უსაფრთხოებას და სუვერენიტეტს აძლიერებს, ბ) ქვეყნის ყველა საგარეო და საშინაო "დაუძინებელი მეგობრის" კოშმარულ სიზმრად იქცა და გ) სამართლებრივი თვალსაზრისით იმდენად დახვეწილია, რომ წერტილ-მძიმესაც ვერ უცვლიან...“, - წერს ქართველიშვილი.

1716054129

უჩვეულოდ ძლიერმა სეზონურმა წვიმებმა ავღანეთში წყალდიდობა გამოიწვია, რასაც სულ მცირე 68 ადამიანი ემსხვერპლა. ამის შესახებ ინფორმაციას CBS News  თალიბანის წარმომადგენელზე დაყრდნობით ავრცელებს.როგორც გამოცემა აღნიშნავს, ინფორმაცია წინასწარ მონაცემებს ეფუძნება და შესაძლოა, მსხვერპლის რაოდენობა კიდევ გაიზარდოს. არსებული ცნობით, ყველაზე მეტად ქვეყნის დასავლეთ პროვინცია გჰორი დაზარდალდა, სადაც მსხვერპლის რაოდენობა 50-ს აღწევს. პროვინციის გუბერნატორის, ვახიდ ჰამასის თქმით, სტიქიის ზონაში ათასობით სახლი და ასობით ჰექტარი სასოფლო-სამეურნეო მიწის ნაკვეთია განადგურებული. ამასთან, დაღუპულია ასობით შინაური ცხოველი. 

1716053601

„სალომე ზურაბიშვილმა უარი თქვა შეთავაზებაზე, ვეტოს პროცედურაში ჩაერთო უცხოელი პარტნიორები და ის ადგა და "გამჭვირვალობის კანონს" (შენიშვნების გარეშე) ვეტო დაადო (ვეტოსაც კი სამართლებრივი ფორმა შეუცვალა). სალომე ზურაბიშვილმა მისი ამ ქმედებით დაადასტურა, რომ "გამჭვირვალობის კანონის" წინააღმდეგ შენიშვნები არ არსებობს და ლოგიკურია, რომ მას ის არ აქვს“, - წერს „ხალხის ძალის“ წევრი თამთა მეგრელიშვილი სოციალურ ქსელში.მეგრელიშვილის თქმით, პრეზიდენტის ეს ქმედება კიდევ ერთი აღიარება და გამარჯვებაა „გამჭვირვალობის კანონის“ ეროვნული შინაარსის, რადგან სალომე ზურაბიშვილი ყველაფერ ქართულსა და ეროვნულს უპირისპირდება. „საქართველოს პრეზიდენტის სალომე ზურაბიშვილის მიერ "ვეტოობანას" თამაში გრძელდება. სალომე ზურაბიშვილმა უარი თქვა შეთავაზებაზე, ვეტოს პროცედურაში ჩაერთო უცხოელი პარტნიორები და ის ადგა და "გამჭვირვალობის კანონს" (შენიშვნების გარეშე) ვეტო დაადო (ვეტოსაც კი სამართლებრივი ფორმა შეუცვალა). სალომე ზურაბიშვილმა მისი ამ ქმედებით დაადასტურა, რომ "გამჭვირვალობის კანონის" წინააღმდეგ შენიშვნები არ არსებობს და ლოგიკურია, რომ მას ის არ აქვს. პრეზიდენტის ეს ქმედება კიდევ ერთი აღიარება და გამარჯვებაა ამ კანონის ეროვნული შინაარსის! სალომე ხომ ყველაფერ ქართულსა და ეროვნულს უპირისპირდება“, - წერს მეგრელიშვილი.