„ბოლო 24 საათში „აზოვსტალიდან“ 771 ბოევიკი ჩაბარდა, სულ - 1730 ბოევიკი“ - იგორ კონაშენკოვი
1652950342
რუსეთის თავდაცვის სამინისტროს წარმომადგენელმა იგორ კონაშენკოვმა განაცხადა, რომ უკრაინელი ბოევიკების რაოდენობამ, რომლებმაც იარაღი დადეს მარიუპოლის „აზოვსტალის“ ქარხანაში, 1700-ს გადააჭარბა.
„ბოლო 24 საათის განმავლობაში, „აზოვის“ ნაციონალისტური ქვედანაყოფის 771 ბოევიკი ჩაბარდა. 16 მაისიდან სულ 1730 ბოევიკი ჩაბარდა, მათ შორის 80 დაჭრილი“, - აღნიშნა კონაშენკოვმა.
გენერლის თქმით, ყველა, ვისაც ესაჭიროება სტაციონარული მკურნალობა, დახმარებას იღებს დონეცკის სახალხო რესპუბლიკაში - ნოვოაზოვსკისა და დონეცკის საავადმყოფოებში.
აგრეთვე წაიკითხეთ:
👉 რუსეთი აწარმოებს ამ ომს კიდევ ერთი იარაღით - შიმშილით - გერმანიის საგარეო საქმეთა მინისტრი
👉 „უკრაინაში საომარი მდგომარეობა კიდევ 3 თვით გაგრძელდება“ - ფიოდორ ვენისლავსკი
