რუსეთის ჯარებმა ბახმუტში „წარმატებები“ გააზვიადეს - ამერიკელი ანალიტიკოსები
1669785493
რუსეთის ჯარებმა მცირე წარმატებებს მიაღწიეს ბახმუტში. ოკუპანტები აზვიადებდნენ თავიანთ „წარმატებებს“ ფრონტზე, - ამის შესახებ ომის კვლევის ინსტიტუტი იუწყება.
ანალიტიკოსები აცხადებენ, რომ ზოგიერთმა რუსმა სამხედრო მოსამსახურემ დაუსაბუთებელი პრეტენზია გამოთქვა, რომ რუსულმა ძალებმა დაარღვიეს უკრაინის თავდაცვის ხაზი ბახმუტის სამხრეთით და წინ მიიწიეს ჩასოვოი იარამდე, რომელიც გაწყვეტს უკრაინის ორი დარჩენილი ძირითადი სახმელეთო ხაზიდან ერთ-ერთს.
„ნაკლებად სავარაუდოა, რომ რუსული ჯარები იმ ტემპით წავიდნენ წინ, როგორც რუსული წყაროები აცხადებენ“, - აცხადებენ ექსპერტები.
მათივე თქმით, გეოლოკაციის კადრებში ჩანს, რომ რუსული ჯარები ბახმუტის სამხრეთ-აღმოსავლეთით ოდნავ წინ წავიდნენ.
„ბახმუტის ირგვლივ დეგრადირებული რუსული ძალები ნაკლებად სავარაუდოა, რომ ბახმუტში საფრთხეს შექმნიან და ალყაში მოაქცევენ“, - აცხადებენ ანალიტიკოსები.
აგრეთვე წაიკითხეთ:
👉 აშშ უკრაინაში Patriot-ის ანტისარაკეტო თავდაცვის სისტემების გაგზავნის შესაძლებლობას განიხილავს - CNN
👉 ექსპერტის თქმით, ირანმა შეიძლება არ გადასცეს ბალისტიკური რაკეტები რუსეთს
👉 ლუგანსკის ოლქის ქალაქ სვატოვოში 20-მდე რუსი სამხედროა ლიკვიდირებული - უკრაინის გენშტაბი
👉 პუტინი აბსოლუტურად ამაზრზენად იქცევა, რადგან ოკუპანტებს სამხედრო მარცხი ემუქრებათ - ჯონ კირბი
