უკრაინულმა დრონმა როსტოვის ოლქში ნავთობგადასამუშავებელი ქარხანა ააფეთქა
1655885217
რუსეთის როსტოვის ოლქის ქალაქ ნოვოშახტინსკში უკრაინულმა დრონმა ნავთობგადასამუშავებელი ქარხანა დაბომბა. ქარხანას ცეცხლი გაუჩნდა. ინფორმაციას „უნიანი“ ავრცელებს.
დაბომბვის შედეგად არავინ დაშავებულა. ხანძრის ფართობმა 50 კვადრატული მეტრი შეადგინა. დაბომბვის მომენტი ადგილობრივმა მოსახლეობამ გადაიღო.
ომის დაწყებიდან რუსული ძალები უკრაინის ნავთობის ინფრასტრუქტურას აქტიურად ბომბავენ. რამდენიმე დღის წინ უკრაინის პრეზიდენტმა ვოლოდიმირ ზელენსკიმ რუსეთს შესაბამისი პასუხის გაცემას დაჰპირდა.
