უკრაინასთან კონფლიქტის მოგვარება შესაძლებელია რუსეთის წინააღმდეგ დაწესებული ყველა სანქციის მოხსნით - ზახაროვა
1679154186
„რუსეთი მზად არის კონფლიქტის დიპლომატიური მოგვარებისთვის, მაგრამ კონფლიქტი შეიძლება მოგვარდეს მხოლოდ რუსეთის წინააღმდეგ დაწესებული ყველა სანქციის მოხსნით,“ - ამის შესახებ რუსეთის საგარეო საქმეთა სამინისტროს წარმომადგენელმა მარია ზახაროვამ განაცხადა.
მან, ასევე, ისაუბრა უკრაინის პრეზიდენტის ვოლოდიმირ ზელენსკის მიერ შეთავაზებულ კონფლიქტის მოგვარების გეგმაზე.
მისი თქმით, უკრაინის პრეზიდენტის ვოლოდიმირ ზელენსკის „მშვიდობის ფორმულას“ არაფერი აქვს საერთო უკრაინაში მშვიდობის მიღწევასთან.
„ეს სხვა არაფერია, თუ არა ულტიმატუმის მოთხოვნები ჩვენი ქვეყნის მიმართ, რომლებიც მოწყვეტილია რეალობას. მათ შორისაა, ჯარების გაყვანა რუსეთის რეგიონებიდან - დონეცკის, ლუგანსკის, ზაპოროჟიესა და ხერსონის რეგიონიდან და თუნდაც ყირიმიდან, რეპარაციების გადახდა და საერთაშორისო ტრიბუნალებისადმი ჩაბარება. უკრაინული „მშვიდობის ფორმულის“ მიზანია დასავლეთის დახმარებით მიაღწიოს რუსეთის კაპიტულაციას“, - აცხადებს მარია ზახაროვა.
აგრეთვე წაიკითხეთ:
👉 ყველა რაშისტი პასუხს აგებს, პასუხს აგებენ ყოველი უკრაინელის სიცოცხლისთვის - ზელენსკი
👉 გერმანიამ უკრაინას სამხედრო დახმარების მორიგი პაკეტი გადასცა
