„თუ დავინახეთ, რომ სახელმწიფო ინსპექტორის სამსახურის ჩანაცვლება შესაძლებელია საგამოძიებო კომისიით, პარლამენტში შევალთ,“- ამის შესახებ „ნაციონალური მოძრაობის“ წევრმა ხატია დეკანოიძემ განაცხადა.
მისივე თქმით, მნიშვნელოვანია საგამოძიებო კომისიის ამოქმედება.
„ვფიქრობ მნიშვნელოვანია ამ კომისიის ამოქმედება. დიდი იმედი მაქვს რომ ამაზე ვიმსჯელებთ. სხვათაშორის ჩემს კოლეგებთან ოპოზიციიდან საუბარი მქონდა, დიდი იმედი მაქვს, რომ ამასთან დაკავშირებით 50 ხმა მოგროვდება.
იმ შემთხვევაში თუ ჩვენ დავინახავთ, რომ სახელმწიფო ინსპექტორის სამსახურის ჩანაცვლება შესაძლებელია საგამოძიებო კომისიით, რა თქმა უნდა შევალთ პარლამენტში და ეს იქნება ჩვენი ერთ-ერთი ყველაზე მნიშვნელოვანი საქმიანობა“, - აცხადებს დეკანოიძე.
შეგახსენებთ, რომ პარლამენტმა „სახელმწიფო ინსპექტორის სამსახურის შესახებ“ კანონში ცვლილებები დაამტკიცა, რომლითაც აღნიშნული სამსახური გაუქმდა.
ამავე თემაზე: