„რუსეთი არც ისე სუსტია, ვინც ამბობს, რომ ომი მაისში დასრულდება, არასერიოზულია“ - ოლექსი დანილოვი
1652958739
უკრაინის ეროვნული უსაფრთხოებისა და თავდაცვის საბჭოს მდივანმა ოლექსი დანილოვმა განაცხადა, რომ ომის დასრულებაზე საუბარი ამ თვეში არასერიოზულია, რადგან რუსეთი არც ისე სუსტია.
„მინდა აღვნიშნო, რომ მე ვარ ერთ-ერთი იმ ადამიანთაგანი, ვისაც ნათლად ესმის, რომ რუსეთი არ არის ისეთი სუსტი, როგორიც ჩვენ გვსურს. ის ხალხი, ვინც ამბობს, რომ ომი მაისში ან ერთ კვირაში დასრულდება, არასერიოზულია. ძალიან რთული და მრავალკომპონენტიანი პროცესია და ჩვენი პარტნიორების დახმარება იარაღით არის საკვანძო მომენტი დღევანდელი სიტუაციის განსაზღვრაში, იმის გათვალისწინებით, თუ რა ვადებში იქნება მოწოდებული. სასწორი ამ მიმართულებით მერყეობს“, - განაცხადა დანილოვმა.
დანილოვმა, ასევე, დასძინა, რომ რუსი ოკუპანტები მხოლოდ ავიაციით აღარ მოქმედებენ.
„აგრესორი უკვე აღარ მოქმედებს მხოლოდ ავიაციით. ისინი იყენებენ წყალქვეშა ნავებს, ფლოტს და ბევრ სხვა სამხედრო კომპონენტს“, - აღნიშნა დანილოვმა.
აგრეთვე წაიკითხეთ:
👉 „ჩვენ არ გვჭირდება სუროგატები ევროკავშირის კანდიდატის სტატუსის მისაღებად“ - დმიტრო კულება
👉 „ბოლო 24 საათში „აზოვსტალიდან“ 771 ბოევიკი ჩაბარდა, სულ - 1730 ბოევიკი“ - იგორ კონაშენკოვი
👉 რუსეთი აწარმოებს ამ ომს კიდევ ერთი იარაღით - შიმშილით - გერმანიის საგარეო საქმეთა მინისტრი
