რუსეთი აცხადებს, რომ კრემენჩუკში იარაღის საწყობი დაბომბა და არა სავაჭრო ცენტრი
1656413016
რუსეთის თავდაცვის სამინისტრო უკრაინის ქალაქ კრემენჩუკზე სარაკეტო თავდასხმას გამოეხმაურა. რუსეთის თავდაცვის სამინისტროს თქმით, რუსულმა ძალებმა იერიში მიიტანეს საწყობზე, სადაც აშშ-დან და ევროკავშირიდან გამოგზავნილი იარაღი და საბრძოლო მასალა ინახებოდა.
„მაღალი სიზუსტის დარტყმის შედეგად, დასავლური წარმოების იარაღი და საბრძოლო მასალა, რომელიც კონცენტრირებული იყო საწყობში შემდგომი გადაზიდვისთვის დონბასში უკრაინული ჯარებისთვის, დაიბომბა. ობიექტის დაბომბვის შედეგად საწყობში შენახული დასავლური იარაღი აფეთქდა, რამაც მეზობლად მდებარე არაფუნქციურ სავაჭრო ცენტრში ხანძარი გამოიწვია“, - ნათქვამია რუსეთის თავდაცვის სამინისტროს მიერ გავრცელებულ ინფორმაციაში.
ცნობისთვის, რუსულ სარაკეტო თავდასხმას, რომელიც უკრაინის ცენტრალურ ქალაქ კრემენჩუკში ხალხმრავალ სავაჭრო ცენტრზე განხორციელდა, განახლებული მონაცემებით, 13 ადამიანი ემსხვერპლა, დაშავდა 59.
აგრეთვე წაიკითხეთ:
👉 „ევროპის ისტორიაში ერთ-ერთი ყველაზე ტერორისტული თავდასხმა“ - ზელენსკი სავაჭრო ცენტრის დაბომბვაზე
👉 პუტინი უკრაინის ომის ახალ ხელმძღვანელად დაინიშნა - ISW
👉 „შეუძლებელია რუსეთთან ომამდელ ურთიერთობას დავუბრუნდეთ“ - ოლაფ შოლცი
👉 რუსეთში ელიტებს შორის კონფლიქტი მწიფდება, სიტუაცია კრიტიკულია - ექსპერტი
👉 🎥 რუსეთმა კრემენჩუკში სავაჭრო ცენტრზე სარაკეტო იერიში მიიტანა - არის მსხვერპლი
