ავღანეთში „თალიბანის“ წევრებმა სახალხოდ 12 ადამიანი გაამათრახეს - BBC
1669270919
ავღანეთში, საფეხბურთო სტადიონზე, „თალიბანის“ წევრებმა ათასობით ადამიანის წინაშე თორმეტი ადამიანი, მათ შორის სამი ქალი, გაამათრახეს. ამის შესახებ BBC წერს.
თალიბანის ოფიციალური წარმომადგენლის განცხადებით, მათ ბრალად ედებოდათ „მორალური დანაშაულები“, მათ შორის მრუშობა, ყაჩაღობა და ჰომოსექსუალური კავშირები.
გამოცემა აღნიშნავს, რომ ერთი თვის განმავლობაში ეს უკვე მეორე შემთხვევაა, როდესაც ისლამისტური დაჯგუფება საჯაროდ სჯის ხალხს.
„ეს ნაბიჯი შეიძლება მიანიშნებდეს 1990-იან წლებში თალიბანის წინა მმართველობაში არსებული მკაცრი პრაქტიკის დაბრუნებას“, - წერს BBC.
„დასჯილებმა“ 21-იდან 39-მდე დარტყმა მიიღეს. თალიბანის კიდევ ერთი ოფიციალური პირის თქმით, გამათრახების მაქსიმალური რაოდენობაა 39.
ასევე დაგაინტერესებთ:
👉 ნიკოლ ფაშინიანმა ОДКБ-ს სამიტზე დოკუმენტების ხელმოწერაზე უარი თქვა
👉 კრემლს უარი არ უთქვამს უკრაინაში მის მიზნებზე, უბრალოდ ნაწილობრივ ფარავს მას - ISW
