„მტკიცებულებებს სასამართლოში წარვადგენთ“ - შალვა ხაჭაპურიძე სააკაშვილის შესაძლო მოწამვლაზე
1668935107
საქართველოს მესამე პრეზიდენტის, მიხეილ სააკაშვილის ადვოკატის, შალვა ხაჭაპურიძის განცხადებით, სააკაშვილის შესაძლო მოწამვლასთან დაკავშირებით მტკიცებულებებს სასამართლოში წარადგენს.
„მე არ მინდა მოვლენებს გავასწრო, თორემ საქმის მასალებს თუ კარგად წავიკითხავთ, საქმის მასალებიდან ზუსტად ჩანს, სად გახდა ეს ადამიანი განსაკუთრებით ცუდად, გონების კარგვის პირველ ეპიზოდზეა საუბარი. შემდეგ მას სამჯერ ჰქონდა კიდევ გონების კარგვის ეპიზოდი. თუ რაიმე მტკიცებულებების წარდგენას ვაპირებთ, წარვადგენთ სასამართლოში, პრობლემა არ არის. ჩვენ ვემზადებით, უამრავი დოკუმენტაცია გვაქვს, უამრავი მტკიცებულება გვაქვს სხვადასხვა მიმართულებით. თუ ამ მიმართულებითაც იქნება მტკიცებულებები, რა თქმა უნდა, ესეც იქნება წარდგენილი სასამართლოში“ - განაცხადა ხაჭაპურიძემ.
მანამდე, პენიტენციურმა სამსახურმა განაცხადა:
„მსჯავრდებულ მიხეილ სააკაშვილის ადვოკატის მიერ მისი დაცვის ქვეშ მყოფი პირის შესაძლო მოწამვლის შესახებ გავრცელებული ინფორმაციის უტყუარობის დამადასტურებელი ოფიციალური დასკვნა სპეციალური პენიტენციური სამსახურისთვის არავის მიუწოდებია“, - ვკითხულობთ პენიტენციურის განცხადებაში.
ასევე დაგაინტერესებთ:
👉 ბრიტანეთის მიერ უკრაინის სამხედრო დახმარების ახალი პაკეტის ღირებულება 50 მილიონი ფუნტია
