ვლადიმერ პუტინის ვიზიტი ოკუპირებულ მარიუპოლში მის სისუსტეს აჩვენებს - ირინა ვერეშჩუკი
1679390284
რუსეთის პრეზიდენტის ვლადიმერ პუტინის ვიზიტი ოკუპირებულ მარიუპოლში მხოლოდ მის სისუსტეს აჩვენებს, - ამის შესახებ უკრაინის დროებით ოკუპირებული ტერიტორიების რეინტეგრაციის მინისტრმა ირინა ვერეშჩუკმა განაცხადა.
„ჰიტლერიც კი ეწვია 1941 წელს მისი ჯარისკაცების მიერ დროებით ოკუპირებულ ტერიტორიებს და გავიხსენოთ რა დაემართა მას. მისი ვიზიტი მხოლოდ რუსეთის პრეზიდენტის სისუსტეს ასახავს, ის მალე იძულებული გახდება გადადგეს“, - აღნიშნა მინისტრმა.
მან, ასევე, აღნიშნა, რომ რუსი ოკუპანტები აგრძელებენ ჟენევის კონვენციების მასიურ დარღვევას უკრაინის ოკუპირებულ ტერიტორიებზე.
„კაცებს იძულებით იწვევენ სამხედრო სამსახურში, უბრძანებენ პასპორტების შეცვლას, კერძო საკუთრებას ანადგურებენ ან ძარცვავენ, სკოლებში რუსული სასწავლო გეგმებია დაწესებული“, - დასძინა ვერეშჩუკმა.
აგრეთვე დაგაინტერესებთ:
🔴 რუსების „დიდი შეტევა“ კულმინაციას აღწევს, უკრაინას შეუძლია კონტრეშევა დაიწყოს - ISW
🔴 ამჟამად არ არსებობს არანაირი მტკიცებულება, რომ ჩინეთი რუსეთს იარაღს აწვდის - ანდრეი იუსოვი
