თურქული მხარის განცხადებით, სირიაში ეჭვმიტანილმა ქურთმა „ბოევიკებმა“ თურქეთის საზღვარზე რაკეტები გაუშვეს, რის შედეგადაც სულ მცირე ორი ადამიანი დაიღუპა და 10 დაიჭრა.
„ერთ-ერთი რაკეტა გაზიანთეპში, ქალაქ კარკამისის სკოლასთან ჩამოვარდა და 22 წლის მასწავლებელი დაიღუპა“, - განაცხადა თურქეთის შინაგან საქმეთა მინისტრმა სულეიმან სოილუმ.
მისივე ინფორმაციით, ასევე, დაღუპულია 5 წლის ბავშვი. მინისტრის თქმით, რეგიონში სკოლები დაიხურა.
„თურქეთი თავდასხმებს უპასუხებს ყველაზე ძლიერი გზით“, - დასძინა მან.
„მოღალატეები, რომლებიც აგრძელებენ თავდასხმებს უდანაშაულო მშვიდობიანი მოსახლეობის წინააღმდეგ და თავს ესხმიან სკოლებს, პასუხს აგებენ თავიანთ ქმედებებზე“, - ნათქვამია თურქეთის საგარეო უწყების განცხადებაში.
აგრეთვე წაიკითხეთ:
✔️ „კერძო მევახშეს ბინის მისაკუთრება სურს“ - დიღმის მასივში ერთ-ერთ ოჯახს ასახლებენ
✔️ ინდოელი კაცი ძროხების ქუჩაში გაშვების გამო დააპატიმრეს
✔️ აფხაზურ კრიპტოფერმებს შეუძლია საქართველო ელექტროენერგიის გარეშე დატოვონ - „Amra Life“