აშშ უკრაინას შავი ზღვის განბლოკისთვის ხომალდსაწინააღმდეგო რაკეტებს მიაწვდის
1653028862
აშშ-ის თეთრი სახლი იმაზე მუშაობს, რომ უკრაინის ჯარს თანამედროვე ხომალდსაწინააღმდეგო რაკეტები მიაწოდოს, რათა მან რუსეთის საზღვაო ბლოკადა დაძლიოს. ამის შესახებ „უკრინფორმი“ Reuters-ზე დაყრდნობით იუწყება.
საუბარია ხომალდსაწინააღმდეგო რაკეტების ორ ტიპზე - ესენია Boeing-ის წარმოების რაკეტები Harpoon და რაკეტები Naval Strike Missile, რომლის მწარმოებელია Kongsberg და Raytheon Technologies. უკრაინისთვის ამ იარაღის მიწოდება ევროპელი ქვეყნების გავლით, ან უშუალოდ აშშ-დან მოხდება. მსგავს რაკეტებს შეუძლია მიზნების განადგურება 250-300 კმ-ის მანძილზე, რაც უკრაინელებს რუსული ხომალდების განადგურების შესაძლებლობას მისცემს.
უკრაინის ხელისუფლება აცხადებს, რომ მას ასევე რეაქტიული სისტემები M270 ესაჭიროება, რომელიც მიზნებს 70 კმ-ის სიშორეზე ანადგურებს. ეს რუსული ჯარის განკარგულებაში არსებულ უმეტეს საარტილერიო სისტემებზე მეტია.
აგრეთვე წაიკითხეთ:
👉პუტინის მთავარი იდეა - ახალი საბჭოთა კავშირის შექმნა
👉1 700-მდე „აზოვსტალის“ დამცველი ჩაბარდა რუსეთის ჯარებს - ბრიტანული დაზვერვა
👉აგრესორების მიერ ლუგანსკის მორიგ დაბომბვას 13 მშვიდობიანი მოქალაქე ემსხვერპლა - BBC
👉რუსეთის ჯარებმა შეტევა დაიწყეს დონეცკის მიმართულებით
👉აშშ უკრაინას შავი ზღვის განბლოკისთვის ხომალდსაწინააღმდეგო რაკეტებს მიაწვდის
