ევროკავშირი რუსეთს მოუწოდებს, გააუქმოს გადაწყვეტილება მარცვლეულის შეთანხმების განხორციელებაში მონაწილეობის შეჩერების შესახებ. ამის შესახებ ტვიტერზე ევროკომისიის ვიცე-პრეზიდენტმა, საგარეო და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა, ჯოზეფ ბორელმა დაწერა.
„რუსეთის გადაწყვეტილება შავი ზღვის შეთანხმებაში მონაწილეობის შეჩერების თაობაზე საფრთხეს უქმნის მარცვლეულისა და სასუქების ძირითად საექსპორტო გზას, რომლებიც სასწრაფოდ არის საჭირო უკრაინის წინააღმდეგ ომით გამოწვეული გლობალური სასურსათო კრიზისის მოსაგვარებლად. ევროკავშირი მოუწოდებს რუსეთს, შეცვალოს გადაწყვეტილება“, - წერს ბორელი.
ცნობისთვის, რუსეთის თავდაცვის სამინისტროში გუშინ განაცხადეს, რომ მოსკოვმა მარცვლეულის ექსპორტის შესახებ შეთანხმებაში მონაწილეობა შეაჩერა.
ასევე დაგაინტერესებთ:
👉 რუსი გენერალ-პოლკოვნიკის, ალექსანდრ ლაპინის ცხედარი მდინარე მოსკოვში იპოვეს - მედია
👉 „ვხედავთ, როგორ ნებდებიან გუშინდელი ფავორიტები, როგორიცაა შოიგუ ან გერასიმოვი“ - მიხაილო პოდოლიაკი