პრიგოჟინმა „ვაგნერის ჯგუფში“ აივ და ჰეპატიტით დაავადებული პატიმრების გადაბირება დაიწყო - ბრიტანული დაზვერვა
1667120781
რუსულმა კერძო სამხედრო ჯგუფმა „ვაგნერმა“ დაიწყო ახალი ჯარისკაცების გადაბირება უკრაინის წინააღმდეგ ომში გასაგზავნად. ახლა მძიმე ავადმყოფობის მქონე პატიმრებიც კი აიყვანეს. ამის შესახებ ბრიტანეთის თავდაცვის სამინისტრო წერს.
ბრიტანული დაზვერვის თანახმად, „ვაგნერის ჯგუფის“ მფლობელი, ევგენი პრიგოჟინი პირადად აგროვებს დაქირავებულებს.
„2022 წლის 27 ოქტომბერს, პრიგოჟინმა გამოაქვეყნა ინტერნეტში და აშკარად აღიარებს ბრალდებებს, რომ მისმა კერძო სამხედრო კომპანიამ, Wagner Group-მა, შეცვალა თავისი სტანდარტები და იღებს რუს მსჯავრდებულებს, რომლებსაც აწუხებთ სერიოზული დაავადებები, მათ შორის აივ და C ჰეპატიტი.
„ვაგნერ ჯგუფის“ როლი მნიშვნელოვნად შეიცვალა რუსეთის მიერ უკრაინაში შეჭრის შემდეგ. წინა კონფლიქტებში ის ინარჩუნებდა შედარებით მაღალ რეკრუტირების სტანდარტებს, ბევრი მისი ოპერატორი ადრე მსახურობდა პროფესიონალ რუსი ჯარისკაცად“, - წერს დაზვერვა.
დაზვერვის თანახმად, სერიოზული სამედიცინო პრობლემების მქონე პატიმრების დაშვება ხაზს უსვამს მიდგომას, რომელიც უპირატესობას ანიჭებს რაოდენობას, ვიდრე გამოცდილებასა და ხარისხს.
გარდა ამისა, ბრიტანული დაზვერვა იხსენებს, რომ პრიგოჟინმა ცოტა ხნის წინ გამოაცხადა გეგმა აღმოსავლეთ უკრაინაში 200 კილომეტრიანი ვაგნერის თავდაცვის ხაზის შექმნის შესახებ, რასაც დიდი ადამიანური ძალა სჭირდება.
„არსებობს რეალური შესაძლებლობა, რომ ზოგიერთი მსჯავრდებული რეკრუტი თავდაპირველად ჩაერთვება თავდაცვის ობიექტების მშენებლობაში“, - განმარტავს დაზვერვა.
ასევე დაგაინტერესებთ:
👉 რუსი გენერალ-პოლკოვნიკის, ალექსანდრ ლაპინის ცხედარი მდინარე მოსკოვში იპოვეს - მედია
👉 „ვხედავთ, როგორ ნებდებიან გუშინდელი ფავორიტები, როგორიცაა შოიგუ ან გერასიმოვი“ - მიხაილო პოდოლიაკი
👉 სამხრეთით უკრაინამ ოკუპანტებთან საარტილერიო უპირატესობა მოიპოვა - New York Times
