ლიზ ტრასის ტელეფონი კრემლთან დაკავშირებულმა ჰაკერებმა გატეხეს, მათ მოახერხეს ღირებულ მონაცემებზე წვდომა - მედია
1667116992
ბრიტანეთში შაბათ-კვირის მთავარი სიახლე იყო ინფორმაცია იმის შესახებ, რომ საგარეო საქმეთა მინისტრად მუშაობის დროს ლიზ ტრასის ტელეფონი გატეხეს კრემლთან დაკავშირებულმა ჰაკერებმა და მათ მოახერხეს ღირებულ მონაცემებზე წვდომა.
ინფორმაცია უსახელო წყაროებზე დაყრდნობით Daily Mail-მა გამოაქვეყნა, რომელიც „ყვითელ“ გამოცემად არის მიჩნეული, თუმცა ეს სიახლე Reuters-მაც გააშუქა.
გამოცემის ცნობით, ჰაკერებმა, სავარაუდოდ, მოახერხეს საერთაშორისო პარტნიორებთან მოლაპარაკებების საიდუმლო დეტალებზე წვდომა, მათ შორის უკრაინაში იარაღის მიწოდებაზე. ასევე, ლიზ ტრასისა და კვაზი კვარტენგის პირადი მიმოწერა, რომელიც მოგვიანებით გახდა ხაზინის მინისტრი, მათი საუბარი ბორის ჯონსონის კრიტიკას ეხებოდა. ჰაკერებს, სავარაუდოდ, შეეძლოთ ბოლო 1 წლის ინფორმაციის მიღება.
ოპოზიციური პარტიები ითხოვენ, გამოიძიონ რა და როგორ მოხდა რეალურად.
„ძალიან მნიშვნელოვანია, რომ ყველა ეს საკითხი იყოს გამოძიებული და განხილული უმაღლეს დონეზე. ჩვენ უნდა ვიცოდეთ, რომ მთავრობა აცნობიერებს ჩვენი ეროვნული უსაფრთხოების სრულად დაცვის მნიშვნელობას... ასევე არსებობს სერიოზული კითხვები, რატომ და როგორ მოხდა ამ ინფორმაციის „გაჟონვა“, - თქვა ლეიბორისტების სპიკერმა ივეტ კუპერმა.
ასევე დაგაინტერესებთ:
👉 სამხრეთით უკრაინამ ოკუპანტებთან საარტილერიო უპირატესობა მოიპოვა - New York Times
👉 სომალიში მანქანები აფეთქდა, რის შედეგადაც 100 ადამიანი დაიღუპა და 300 დაშავდა - Reuters
