„ვხედავთ, როგორ ნებდებიან გუშინდელი ფავორიტები, როგორიცაა შოიგუ ან გერასიმოვი“ - მიხაილო პოდოლიაკი
1667118089
უკრაინის პრეზიდენტის აპარატის უფროსის მრჩევლის, მიხაილო პოდოლიაკის განცხადებით, რუსეთის ფედერაციის ამჟამინდელ პოლიტიკურ რეჟიმთან სალაპარაკო არაფერია. რუსეთი ელოდება რევოლუციას, რომელიც დაიწყება უკრაინის შეიარაღებული ძალების წარმატებებით.
„მჯერა, რომ ლუგანსკის ან დონეცკის სიმბოლური გათავისუფლება რუსეთში პოლიტიკური პროცესების სწრაფი ტრანსფორმაციის შეუქცევად პროცესს დაიწყებს. ჩვენ არ დაგვჭირდება რუსეთის ტერიტორიაზე შესვლა, ეს გასაგებია. იქნება ძალიან რევოლუციური პროცესები. შეიცვლება ელიტა, დღეს ჩვენ ვხედავთ, რომ ელიტაში არის გარკვეული კონფლიქტები. ვხედავთ, რომ არ არის ერთიანობა, ვხედავთ, როგორ ნებდებიან გუშინდელი ფავორიტები, როგორიცაა შოიგუ ან გერასიმოვი, რომლებიც იქ სამხედრო საქმის ხატად ითვლებოდნენ“, - თქვა პოდოლიაკმა.
პოდოლიაკმა აღნიშნა, რომ რუსეთი ახლა უკიდურესად აბსურდულად გამოიყურება საერთაშორისო ასპარეზზე.
„პიროვნების კლასიკური საბჭოთა კულტი (პუტინი) უკვე მოკვდა. ის არ არსებობს. მხოლოდ დროის საკითხია, სანამ ის (პუტინის რეჟიმი) დაცემას დაიწყებს“, - დასძინა პოდოლიაკმა.
ასევე დაგაინტერესებთ:
👉 სამხრეთით უკრაინამ ოკუპანტებთან საარტილერიო უპირატესობა მოიპოვა - New York Times
