„რუსეთი ციმბირიდან და სირიიდან უკრაინაში სამხედროების გადაყვანას გეგმავს, ამასობაში მობილიზებული დამპყრობლები თვითნებურად ტოვებენ პოზიციებს და სვამენ ალკოჰოლს“ - უკრაინის გენშტაბი
1664866664
უკრაინელი დამცველები აგრძელებენ რუსი ოკუპანტების განადგურებას ყველა მიმართულებით. მტერი განიცდის კოლოსალურ ზარალს და მათი შევსების მიზნით, იძულებულია, ჯარები გადაიყვანოს შორეული საზღვრებიდან, კერძოდ ციმბირიდან და სირიიდან. ეს ყველაფერი კი იმ ფონზე, რომ მობილიზებული ოკუპანტები თვითნებურად ტოვებენ პოზიციებს და ალკოჰოლს მოიხმარენ. ამის შესახებ უკრაინის შეიარაღებული ძალების გენერალური შტაბი წერს.
„არსებული ინფორმაციით, რუსეთის ფედერაციის შეიარაღებული ძალების სამხედრო ხელმძღვანელობამ გადაწყვიტა ციმბირის სამხედრო ოლქის ადმინისტრაციულ საზღვრებში დისლოცირებული რუსული გვარდიის ნაწილებისა და სირიაში დისლოცირებული რუსული კონტინგენტის უკრაინაში, საბრძოლო მოქმედებების არეალში გადაყვანა“ - წერს გენშტაბი.
გენერალურ შტაბში ასევე იტყობინება, რომ არსებული ინფორმაციით, მე-3 არმიის კორპუსის ქვედანაყოფები, რომლებიც ახლახან ჩამოყალიბდნენ და გადავიდნენ უკრაინის ტერიტორიაზე, ვერ ახერხებენ დასახული ამოცანების ეფექტურად შესრულებას.
„მოძველებული და გამოუსადეგარი იარაღი და სამხედრო ტექნიკა, პოზიციების უნებართვო მიტოვება და პერსონალის მიერ საბრძოლო დავალების შესრულებაზე უარი, ალკოჰოლური სასმელების გამოყენება, სამხედრო დისციპლინის სისტემატური დარღვევა არის მტრის ქვედანაყოფის სამხედრო ნაწილების დემორალიზაციის მთავარი მიზეზი“ – ნათქვამია ანგარიშში.
ასევე დაგაინტერესებთ:
👉 „პუტინის ბირთვულ მუქარას გერმანია ძალიან სერიოზულად ეკიდება“ - ანალენა ბერბოკი
👉 „რამდენიმე ოლქში ახალი დასახლებული პუნქტები გათავისუფლდა“ - ვოლოდიმირ ზელენსკი
