ადრე ყმები იყავით, ახლა მონები გახდით - ალა პუგაჩოვა კრიტიკოსებს პასუხობს
1664879031
„ღმერთო ჩემო, რა ბედნიერებაა, რომ იმ ადამიანებს ვძულვარ, რომლებსაც მე ყოველთვის ვერ ვიტანდი. იყვნენ ყმები, გახდნენ მონები“. ამის შესახებ ცნობილმა რუსმა პოპვარსკვლავმა ალა პუგაჩოვამ ინსტაგრამში დაწერა.
❗„ჯერ სად ხართ, უარესი იქნება“ - რუსი სამხედრო კორესპონდენტი
„ამ ადამიანებს მე არც უნდა მოვწონდე. ასე რომ ყოფილიყო, გამოვიდოდა, რომ მე ტყუილად ვცხოვრობდი, ტყუილად ვმღეროდი. მათი გამწარების მიზეზი ნათელია. იყვნენ ყმები, გახდნენ მონები. აკრაჭუნონ ახლა კბილები,“ - წერს პუგაჩოვა.
View this post on Instagram
29 სექტემბერს გავრცელდა ინფორმაცია, რომ ალა პუგაჩოვამ რუსეთი კვლავ დატოვა. ის ისრაელში გაფრინდა, სადაც მისი მეუღლე, მაქსიმ გალკინი ცხოვრობს. გავრცელდა ინფორმაცია, რომ მას გაფრენისას უკანა ბილეთი არ ჰქონია.
18 სექტემბერს ალა პუგაჩოვამ ინსტაგრამში უკრაინის ომის საწინააღმდეგო სტატუსი გამოაქვეყნა. გარდა ამის, მან „უცხო ქვეყნის აგენტების“ სიაში საკუთარი თავის ჩაწერაც მოითხოვა, როგორც ეს რუსეთის იუსტიციის სამინისტრომ მანამდე მისი ქმრის, მაქსიმ გალკინთან დაკავშირებით გააკეთა.
„მივმართავ იუსტიციის სამინისტროს, გთხოვთ ჩემი საყვარელი ქვეყნის უცხოური აგენტების სიაში შემიყვანოთ, რადგანაც ჩემს მეუღლეს სრულ სოლიდარობას ვუცხადებ, რომელიც არის წესიერი, სამართლიანი და გულახდილი ადამიანი. ის არის რუსეთის ნამდვილი პატრიოტი, რომლის მოქრთამვა შეუძლებელია და რომელიც რუსეთს განვითარებას და აყვავებას უსურვებს და არა ჩვენი ბიჭების დაღუპვას ილუზორული მიზნებისთვის, რომელიც ჩვენს ქვეყანას გარიყულად აქცევს და ჩვენი მოქალაქეების ცხოვრებას დაამძიმებს“, - დაწერა პუგაჩოვამ.
„პუგაჩოვას აჯანყებას“ ბევრი გამოხმაურება მოჰყვა. ექსპერტების უდიდესი ნაწილი თანხმდებოდა იმ აზრზე, რომ რუსული ესტრადის პრიმადონას ასეთი პოსტის შემდეგ ქვეყნიდან წასვლა მოუწევდა.
აგრეთვე დაგაინტერესებთ:
