ილონ მასკმა ტვიტერის თანამშრომლების გათავისუფლება დაიწყო - New York Times
1667123892
ამერიკელმა ბიზნესმენმა და მილიარდერმა, ილონ მასკმა ტვიტერის თანამშრომლების გათავისუფლების ბრძანება გასცა. ამის შესახებ New York Times-ი წყაროებზე დაყრდნობით წერს.
„ტვიტერის თანამშრომლების თანამდებობიდან გათავისუფლება 1-ელი ნოემბრამდე გაგრძელდება, იმ თარიღამდე, როდესაც თანამშრომლებმა უნდა მიიღონ საფონდო გრანტები, როგორც კომპენსაციის ნაწილი“, - წერს გამოცემა და აღნიშნავს, რომ ეს მასკს საშუალებას მისცემს, თავიდან აიცილოს დამატებითი ხარჯები.
მანამდე Bloomberg-მა განაცხადა, რომ ტვიტერმა უკვე დაიწყო თანამშრომლების გათავისუფლება მას შემდეგ, რაც ილონ მასკმა კომპანია იყიდა. სოციალურ ქსელებში გაჩნდა ინფორმაცია იმის შესახებ, რომ კომპანიისგან გათავისუფლებულია მონაცემთა ინჟინრების მთელი გუნდი.
ცნობისთვის, კომპანიაში 7 500-მდე ადამიანი მუშაობს.
ასევე დაგაინტერესებთ:
👉 რუსი გენერალ-პოლკოვნიკის, ალექსანდრ ლაპინის ცხედარი მდინარე მოსკოვში იპოვეს - მედია
👉 „ვხედავთ, როგორ ნებდებიან გუშინდელი ფავორიტები, როგორიცაა შოიგუ ან გერასიმოვი“ - მიხაილო პოდოლიაკი
