ომი დასრულდება ან მაშინ, როცა უკრაინა მოიგებს, ან როცა ეს რუსეთს მოუნდება - ვოლოდიმირ ზელენსკი
1669873751
„ომი დასრულდება ან მაშინ, როცა უკრაინა მოიგებს, ან როცა ეს რუსეთის ფედერაციას მოუნდება“, - ამის შესახებ უკრაინის პრეზიდენტმა ვოლოდიმირ ზელენსკიმ The New York Times DealBook-ის სამიტზე განაცხადა.
როგორც ზელენსკიმ The New York Times DealBook-ის სამიტზე განაცხადა, უკრაინელები რეალისტები არიან, მათ ესმით, რომ ომში არიან რუსეთის ფედერაციასთან და რომ მათ ტერიტორიაზე მიმდინარეობს ყველაზე დიდი საბრძოლო მოქმედებები მეორე მსოფლიო ომის შემდეგ, რასაც თან ახლავს ომის დანაშაულები: წამება, გაუპატიურება, სარაკეტო თავდასხმები სამოქალაქო ობიექტებზე და ინფრასტრუქტურაზე.
„ეს დასრულდება მაშინ, როცა ჩვენ გავიმარჯვებთ ან როცა ამას რუსეთის ფედერაცია მოინდომებს. შეიძლება მოხდეს ისე, რომ რუსეთის ფედერაციას ეს მოუნდეს მხოლოდ მაშინ, როცა იგრძნობს, რომ სუსტია, იზოლირებულია და არ ჰყავს პარტნიორები“, - აღნიშნა ზელენსკიმ.
მისი თქმით, უკრაინის მხარდაჭერა პარტნიორებისა და მთელი თავისუფალი სამყაროსგან ასეთი მნიშვნელოვანია. ზელენსკიმ მადლობა გადაუხადა პარტნიორებს უკრაინის მოქალაქეების დახმარებისა და მხარდაჭერისთვის, რომლებიც იძულებულნი გახდნენ თავშესაფარი ეთხოვათ მსოფლიოს სხვადასხვა ქვეყანაში.
ზელენსკის თქმით, ამ ომის ღირებულება, უპირველეს ყოვლისა, იზომება უკრაინის მოქალაქეების სიცოცხლით, რადგან ისინი იბრძვიან თავისუფლებისა და დემოკრატიისთვის არა მხოლოდ უკრაინაში, არამედ მთელ მსოფლიოში.
„ამიტომ, თუ უკრაინა დამარცხდება, ეს ომი გავრცელდება სხვა ტერიტორიებზე და შესაძლოა სხვა კონტინენტებზეც კი“, - დასძინა უკრაინის პრეზიდენტმა.
აგრეთვე წაიკითხეთ:
👉 ბახმუტი დამპყრობელთა მახე გახდა, რუსეთს იქ ძალა ეწურება - ISW
👉 ანალიტიკოსებმა დაასახელეს ქალაქები, სადაც რუსეთის ფედერაციამ ძალა დაკარგა
👉 რუსეთი 2023 წელს ბირთვული იარაღის ინფრასტრუქტურაზე გაამახვილებს ყურადღებას - სერგეი შოიგუ
