„კორუმპირებულები მოიკითხონ თავისკენ“ - გიული ალასანია კობახიძეს
1677077034
„კორუმპირებულები მოიკითხონ თავისკენ, თვითონ რამდენი აქვთ მოხვეჭილი, ის დაითვალონ“, - ასე გამოეხმაურა ექსპრეზიდენტ მიხეილ სააკაშვილის დედა გიული ალასანია, „ქართული ოცნების“ თავმჯდომარის ირაკლი კობახიძის განცხადებას, სადაც კობახიძემ მიხეილ სააკაშვილის ოჯახს კორუმპირებული უწოდა.
გიული ალასანიამ კობახიძის განცხადებას სიცრუე უწოდა და აღნიშნა, რომ მას დასამალი არაფერი აქვს და ყველამ იცის მისი საქმიანობის შესახებ.
„კორუმპირებულები თვითონ მოიკითხონ თავისკენ. საკმარისი ასაკი მაქვს და ბევრი ნაცნობი მყავს. ბევრი ადამიანი მიცნობს და იციან ჩემი საქმიანობა მთელი ცხოვრების მანძილზე. ყველამ იცის, მე როგორ შეიძლება ვიყო კორუმპირებული, რომელი ნიშნით, ძალიან მაინტერესებს, მთელი ცხოვრება შრომაში ვარ.
საიდან, რომელი ქართველი ხალხის ხარჯზე მაქვს მოხვეჭილი, ძალიან მაინტერესებს, ერთი დამისაბუთონ, დამისაბუთონ აბა საბუთებით, საიდან რა მაქვს მოხვეჭილი, თვითონ რამდენი აქვთ მოხვეჭილი, ის დაითვალონ“, - აცხადებს გიული ალასანია.
აგრეთვე წაიკითხეთ:
👉 ევროპულ ღირებულებებს ამ ქვეყანაში კლავდნენ და ღუდუშაური აშშ ისვენებდეს, სად მოსულა - ანი წითლიძე
