შეერთებულმა შტატებმა, შესაძლოა, გადაიტანოს რამდენიმე NASAMS ახლო აღმოსავლეთიდან უკრაინაში - Politico
1669958685
შეერთებულმა შტატებმა, შესაძლოა, გადაიტანოს რამდენიმე NASAMS ახლო აღმოსავლეთიდან უკრაინაში, - ამის შესახებ უკრაინული მედია იუწყება.
როგორც NASAMS სისტემების მწარმოებელმა Raytheon Technologies-ის აღმასრულებელმა დირექტორმა გრეგ ჰეისმა Politico-ს განუცხადა, ისინი აპირებენ კომპლექსების მიწოდებას მომდევნო 3-6 თვის განმავლობაში.
ამასთან, 24 თვის განმავლობაში შეერთებულ შტატებს მოუწევს ახლო აღმოსავლეთის რეზერვების შევსება ახალი დანადგარებით.
„ახლო აღმოსავლეთში არის NASAMS განლაგებული, ნატოს ზოგიერთი ჩვენი მოკავშირე და ჩვენ რეალურად ვმუშაობთ ახლო აღმოსავლეთის რამდენიმე ქვეყანასთან, რათა გადაიტანოს რამდენიმე NASAMS ახლო აღმოსავლეთიდან უკრაინაში“, - აღნიშნა ჰეისმა.
მისი თქმით, სისტემების გადატანას ახლო აღმოსავლეთიდან უკრაინაში ნაკლები დრო დასჭირდება, ვიდრე აშშ-დან. მან დაამატა, რომ NASAMS-ის შექმნას დაახლოებით 2 წელი სჭირდება.
ამავდროულად, ამ სისტემების უკრაინაში გადაცემის შესახებ შეთანხმება აშშ-ის პრეზიდენტის ჯო ბაიდენის ადმინისტრაციამ უნდა დაამტკიცოს.
აგრეთვე წაიკითხეთ:
👉 ბახმუტი დამპყრობელთა მახე გახდა, რუსეთს იქ ძალა ეწურება - ISW
